გართობა ზოგადი, ფართო და ცვალებადი ცნებაა. ადამიანთა კატეგორია გართობას განსხვავებულად აღიქვამს, თუმცა დღევანდელ რეალობაში დიდი უპირატობით სარგებლობენ ის კომპანიები, რომლებსაც შეუძლიათ მომხმარებლების დარწმუნება. ისინი ხშირად კარნახობენ მათ სურვილებს და ერთგვარ ტენდენციას ქმნიან არამარტო გართობის კუთხით. ბაზარზე დიდი კონკურენციის გამო დღითიდღე უფრო რთული ხდება დაარწმუნო მომხმარებელი იმაში, რომ შენზე გააკეთოს არჩევანი.
ივენთ მენეჯმენტი კი სწორედ ის მარკეტინგული სტრატეგიის ერთ-ერთი მნიშვნელოვანი კომპონენტია, რომელიც სამიზნე აუდიტორიის კეთილგანწყობის მოპოვებაზე მუშაობს. იგი პროექტების განხორციელებისა და მათი საუკეთესო კუთხით წარმოჩენის საუკეთესო საშუალებაა. ივენთ მენეჯმენტი მიზნობრივი აუდიტორიის მოთხოვნილებებსა და თავისებურებების ანალიზის გზით მაქსიმალური ეფექტის მიღების საშუალებას იძლევა. რეკლამა კი თავის მხრივ აუდიტორიის ყურადღების მიპყრობის გავრცელებული მეთოდია. ის ფასიანი, ცალმხრივი კომუნიკაციაა, რომელშიც წინასწარ განსაზღვრულია სპონსორი. რეკლამა თანამედროვე ცხოვრების განუყოფელი ნაწილია.
